របៀបធ្វើប្រហុកគ្រឿងកន្ទុយហេស(ម្ហូបខ្មែរលើ)

0
463

របៀបធ្វើប្រហុកគ្រឿងកន្ទុយហេស(ម្ហូបខ្មែរលើ)

បុកគ្រឿងកន្ទុយហេសជាឈ្មោះម្ហូបដែលខ្មែរយើងភាគច្រើនធ្លាប់ញុំតែមិនដឹងថាម្ហូបនេះមានឈ្មោះអី ឬមានប្រភពមកពីស្រុកណានោះទេ។ តាមពិតបុកកន្ទុយហេសជាប្រភេទម្ហូបដែលអ្នកស្រុកលើចូលចិត្តធ្វើហូប ជាពិសេសអ្នកនៅខេត្តសៀមរាប ឧត្តរមានជ័យ បន្ទាយមានជ័យជាដើម ចំណែកខ្មែរលើ(ខ្មែរសុរិន្ទ)ក៏មានមុខម្ហូបនេះដែរ។

គ្រឿងផ្សំ៖ ត្រីឆ្អើ (៤ចង្កាក់) ស្ករត្នោត (១ស្លាបព្រាបាយ) ប្រហុកគ្មានជាតិគីមី – ធម្មជាតិ (៧ចង្វារ) ម្ទេសក្រហម (៥០គ្រាប់) បើមិនចេះហិរ ដាក់តាមយើងញ៉ាំបាន ស្លឹកក្រូចសើច (២០សន្លឹក) ខ្ទឹម (៣ដុំ) រំដេង (១ដុំ)ម្សៅស៊ុប ជំនួសប៊ីចេង (១ស្លាបព្រាកាហ្វេកន្លះ)

របៀបធ្វើ៖ បុកត្រីឆ្អើអោយម៉ត់ ទុកមួយឡែក​ ចិញ្ច្រាំប្រហុកអោយម៉ត់ រួចឆាជាមួយប្រេង អោយហួតទឹក ម្ទេស ស្លឹកក្រូចសើច បំពងអោយស្រគាំ បកខ្ទឹមសរតិចៗកុំអោយអស់សំបង រួចបុកជាមួយម្ទេស ដែលបំពងរួច បុកម៉ត់ហើយ ដាក់ត្រីឆ្អើ ដែលបុករួច ចូលក្នុងត្បាល់ បុកប្រហុកឆា អំពិលទាំងគ្រាប់ បន្ទាប់មកទៀតដាក់គ្រឿង ស្ករត្នោត រំដេងហាន់អោយល្អិត និង ម្សៅស៊ុប១ស្លាបព្រាកាហ្វេកន្លះ ជាចុងក្រោយ បំពងស្លឹកក្រូចសើចស្រគាំ ដាក់ចូលជាមួយគ្នា រួចជាស្រេច ៕

LEAVE A REPLY

Please enter your comment!
Please enter your name here