បើអ្នកទិញរថយន្តមួយទឹក តើអ្នកគួរធ្វើអ្វីខ្លះមុននឹងប្រើវា?

0
92

បើអ្នកទិញរថយន្តមួយទឹក តើអ្នកគួរធ្វើអ្វីខ្លះមុននឹងប្រើវា?

ការទិញរថយន្តមួយទឹកគឺជាផ្នែកមួយដែលអ្នកគួរស្វែងយល់អោយច្បាស់ពីប្រវត្តិរថយន្ត តួរថយន្ត និងលក្ខណះពិសេសនៃប្រព័ន្ធអេត្រូនិចផ្សេងៗ នេះជាអ្វីដែលអ្នកគួរដឹងពេល​ទិញ​រថយន្ត​មួយទឹក​​ភ្លាម​​ ត្រូវ​​អនុវត្ត​ប៉ុន្មាន​ចំណុច​សំខាន់​ៗដូចខាងក្រោមនេះ៖

លាង​សម្អាត

ពេល​ទិញ​ភ្លាម គួរ​យក​ទៅ​កន្លែង​លាង​សម្អាត​ឲ្យ​គេ​លាង​សម្អាតភាព​កខ្វក់ទាំង​ខាង​ក្នុង​និង​ខាងក្រៅ​រថយន្ត ដើម្បីនាំភាព​ស្រស់ថ្លា ក៏​ដូចជានាំ​សិរី​សួស្តី​លើ​រថយន្ត​របស់​អ្នក។

ប្ដូរ​ប្រេង

ត្រូវ​ប្ដូរ​ប្រេងម៉ាស៊ីនចោល​​​​ភ្លាម​ ក៏​ដូចជា​​ប្រេង​ប្រអប់​​លេខ ​​ប្រេង​ចង្កូត​ ប្រេង​មី​ញុង​ ប្រេង​ហ្វាំ្រង​ជាដើម។ ព្រោះ​មុន​ពេល​ម្ចាស់​រថយ​ន្ត​លក់ មិន​បាន​ផ្លាស់ប្តូរ​បានត្រឹម​ត្រូវ​ ដើម្បី​ឲ្យ​រថយន្ត​ដំណើរការ​បាន​ល្អ។

​ផ្លាស់​ប្ដូរ​សម្បក​កង់

សម្បកកង់ បើ​​ត្រូវ​ប្តូរ​ក៏​គួរ​តែ​ប្តូរ​ដែរ​។ ​ពិនិត្យ​មើល​ឲ្យ​បាន​លម្អិត​ថា​សម្បក​កង់​មានការ​ប្រេះ​ ឬ​សឹក​? ហើយ​បើ​សម្បក​ហើម​វា​អាច​ធ្វើ​ឲ្យ​រថយន្ត​ញ័រ​ ខណៈ​ពេល​បើកបរ​ក្នុង​ល្បឿន​លឿន។​ បើ​ជួប​ថា​មាន​សភាព​ដូច​ការ​រៀបរាប់​ខាងលើ​ ​ប្រញាប់​ប្ដូរ​យក​សម្បក​កង់​ថ្មី​​។

ឆែក​ប្រព័ន្ធ​ហ្រ្វាំង

ហ្រ្វាំង​សំខាន់​ណាស់​ ទាក់ទង​សុវត្ថិភាព​ក្នុង​ការ​បើកបរ។ ពិនិត្យ​មើល​​ប្រព័ន្ធ​ហ្រ្វាំង​ ហើយ​បើ​​ចាំបាច់​ត្រូវ​ប្តូរ​ថ្មី​កុំ​ឲ្យ​មាន​បញ្ហា​ពេលធ្វើ​ដំណើរ។

ជួសជុល​ចំណុច​ខូចខាត

​ពេល​ទិញ​​អ្នក​បាន​ពិនិត្យ​មើល​គ្រប់​ជ្រុង​ជ្រោយ​ក៏​ដោយ ប៉ុន្តែ​​ពេល​​ខ្លះ​ក៏​អាច​មើល​រំលង​ចំណុច​ណាមួយ​ក៏​ថា​បាន។ វិធី​ល្អ​អ្នក​ត្រូវ​យក​រថយន្ត​ទៅ​យានដ្ឋាន​ ដើម្បី​ពិនិត្យ​មើល​សភាព​រថយន្ត​ ហើយ​ឲ្យ​ជាង​បញ្ជាក់​ពី​ផ្នែក​ណាខ្លះ​ដែល​ត្រូវ​ប្ដូរ​ចេញ ។

ជា​ចុង​ក្រោយ​លោក​បញ្ជាក់​ប្រាប់​ថា​ ការ​ទិញ​រថយន្ត​មួយ​ទឹក​​មិន​ល្អ​១០០% ក៏​មិនមែន​ជា​រឿង​ប្លែក​​ដែរ។ តែ​រឿង​សំខាន់​បំផុត​គឺ​ការ​ថែទាំ​ឲ្យ​បាន​ល្អ​ដើម្បី​ឲ្យ​​ប្រើ​ប្រាស់​បាន​យូរ៕

LEAVE A REPLY

Please enter your comment!
Please enter your name here